【本報訊】尖沙嘴槍擊案中關鍵人物徐步高,其父親及胞弟昨日首度出庭作證,公開徐步高鮮為人知的一面。胞弟眼中的徐步高當差只為人工高、福利好,並非抱有崇高使命感,對於同袍梁成恩被殺,亦反應冷淡。反而與兒子關係疏離的徐父,奮力維護兒子無暴力傾向,自小已渴望成為警察。記者:蔡曉楓
與徐步高樣貌甚為相似的胞弟徐步雲(33歲),昨出庭作供時首次觀看徐的家庭影帶,確認影帶中人就是徐步高。他與徐步高一同生活至結婚前,認為他性格正面,富上進心。
徐步雲又指:「哥哥都有可能去吓深圳嘅娛樂場所,間中打吓麻雀。」至於在其床邊發現寫滿人生哲理的紙條,他解釋:「佢好鍾意睇書時,抄下啲金句,無乜特別意思。」
對梁成恩被殺冇反應
徐步雲眼中的哥哥並非相當緊張自己的前途,「佢一日做兩份工,做過好多份工,主要係睇人工,做警察因為人工高,冇話維持治安嘅諗法,純粹當一份職業……對槍械都冇特別興趣」。而01年3月,他曾與哥哥談及梁成恩(24歲)被槍擊事件,「『你小心啲喎,咁嘅事都有』,哥哥當時表現平靜,冇乜反應。」
徐父指徐步高自小已相當獨立,他與妻子張維美終日為口奔馳,徐肩負照顧胞弟的責任,兒子在他心目中是「非常好,冇擔心過佢,好慳,生活要求好低……堅持自己嘅睇法」。至96年徐父與妻子離婚,兒子歸咎於他,97年結婚時也沒有通知徐父出席婚宴,兩人近年也甚少見面。
父:未見過佢用左手
雖然父子關係一般,徐父仍相當維護兒子:「報紙寫佢用左手,我死都講右手。我本身係讀書人,由細揸住佢隻手寫字,未見過佢用左手。」徐指兒子沒有暴力傾向,小時遭人掌摑欺負也不還手,生怕為父母添麻煩。
徐父估計兒子威猛才被人喚作「老虎狗」,「阿高中學畢業做過外滙經紀,跟住去歐洲流浪,之後就做警察,佢好細個應該都鍾意做,佢小學時係少年警訊……佢守邊境時,試過自己一個捉兩個偷渡客。」
徐父認為,兒子相當英俊,「應該搵到個條件更好嘅,覺得佢妻子唔配」,他又指徐用作購買居屋的50多萬元資金,來自替他收租的租金及其積蓄。