人氣劇《花樣男子2》前晚曲終人散，松本潤飾演嘅道明寺同由井上真央飾演嘅杉菜終於有情人終成眷屬，上演接吻戲。身為女主角嘅井上，前日現身為直播節目做最後宣傳，大談拍劇花絮。𠵱家喺日本名校明治大學讀書嘅井上，因為拍攝《花》劇而同「日版F4」成為好友，佢爆「日版F4」打算約埋一齊到學校門口等佢放學，趁機會叫佢介紹幾個靚女同學畀佢哋識喎。