「大風遮」就嚟做爸爸，所以近排不停拍戲賺奶粉錢，不過唔知係咪忙得滯，冇乜時間處理個人衞生，關仁個朋友早前一大清早見到佢，都俾佢嚇咗一跳。
頭皮滿衣領
嗰日大風遮一早去到記者會，通常啲明星一朝早冇化妝都會戴副黑超遮吓，佢不嬲都當自己係大明星，當然唔例外，加上滿面鬍鬚，臉容已經夠污糟，最驚嚇係佢着咗件有毛領嘅褸，但領口位全部係頭皮，近睇啲頭髮又漿到一餅餅，好似幾日冇洗頭咁，再加埋啲噴髮膠嘅殘迹，真係嚇死人，同佢好友「躁狂杰」嘅造型一樣潦倒。睇嚟大風遮老婆「白癡」都要好好勸佢注意吓儀容同衞生，如果唔係第時小朋友出世，分分鐘受爸爸嘅細菌感染。
Textby關仁