有行過深水埗鴨記，一定發現街頭有些二手影音店，所賣的影音器材包羅萬有，有些更被稱為新貨，價錢超便宜。其實當中有少數是搵笨黑店，他們會賣些真殼流料的AV器材，筆者就有個很好的經驗。
話說看到部天龍DVD和擴音機，售價分別$395和$1,500，懂一點AV的也知道，這是很低的價錢。店主說DVD機是新機，左看右看，機殼用料正，不是老翻機，正當要付款試機時，店主竟說不可試機，「我畀咗錢先試喎。」
「一定得㗎，我哋部部新機。」
「壞咗點算？有冇得換？」
「我哋部部都係新機，點會壞。」
我只買了沒有得試的擴音機，返到家中才發現當中的多聲道Logic「原子粒」是雜牌貨，不是原裝天龍所用的牌子，當然，我仍可聽到5.1，但質素和普通國產機一樣。黑店的對象是貪平的國內遊客，由於已返家鄉，投訴無門。下次買二手機，無得試，幾平都假。
文：高清人