有時好難明白點解男人對相機咁有要求，從來不好好買部儍瓜機，一定要買DSLR，一機幾鏡，鏡頭機身都幾廿種，講埋配件一日都講唔完，其實女人要求只係好簡單，就係要影得個樣靚靚，無黑眼圈、無眼袋、膚色白白滑滑就夠了。
男同事買來套萬多元的NikonD80可換鏡相機，說得天花龍鳳，相約一眾女同事午飯時到香港公園拍照，由於拍出來照片太Sharp，技術又不好，女孩子苦臉拿着相片，紛紛說男同事拍得很醜，比她們所用的儍瓜機還要差，男同事即時垂頭喪氣，我心想：「抵死，技術差又要扮勁。」
男同事不值得同情，因為自己技術不好，以為用貴相機就可以影靚相，的確，這些大機的鏡頭能令照片有前清後矇的效果，或者表達出另一種美態，但相對也要求拍攝者有良好的技術。好像女同事們就愛用超級舊的RicohG4，老實說，它Noise多、照片不能放大，在強烈日光下拍攝，陰影會起沙，但就是因為沒有太多的Detail，拍出來的臉龐會白雪雪，影不到女人最怕的黑眼圈和魚尾紋；唉，你話大機有乜用呢？就算風景影得幾靚又有咩用，影得我哋唔靚，都係一按Delete。
當然有人提意用Software執相，但這些和化妝整容有分別嗎？要執相的話，我寧願花錢找專業攝影師，反正影樓打多幾支燈，化埋妝，黑色都變白。
文：林愛雯
Bytheway
女人都唔明，越唔識影相，就越要Pro.，而你們女孩子根本不懂欣賞甚麼是靚相，影得你靚就是靚嗎？扮Pro的影友，要玩構圖、光影、泳衣、高爬低炒，你不靚，怎影都是不靚。不過，我不太明白最近很多沙龍靚相都是由「高炒」，專拍女孩子的乳溝，這種來自日本拍攝手法的沙龍，真的好看嗎？
文：伍旋卓