有大國腳都唔做？係！話說英格蘭唔夠前鋒，有傳領隊麥卡倫想搵英冠普雷斯頓射手紐根特救亡，但據講呢個哥仔唔多願意。原來佢已經入選咗英軍U21，有信心喺下個禮拜六鬥意大利U21時，射入溫布萊重建後第1球，仲派咗50張飛畀街坊。如果佢升為大國腳，個如意算盤就打唔響，唔怪得唔制啦。不過機會難逢，因住走寶喎！