英超米杜士堡近期走勢不穩，不過今周有主場之利，該隊近月於主場進行聯賽，只有對曼聯時失波多過1球；今輪迎戰對手雖又係嚟自曼徹斯特市嘅曼城，但曼城周中至踢完對車路士場聯賽補賽，照計惡唔出咩樣！呢場睇高米杜士堡少少，可博該隊唔失波，淨贏2:0，送曼城領隊皮亞斯一程。
打比郡卡城搶分博「大」
英冠打比郡主場對卡廸夫城都算前列大戰，第2位嘅打比郡要保住前兩名直接升班位置，而第7位嘅卡廸夫城就當然至少要想打入第3至6位，參加季後嘅升班附加賽，相信今仗兩軍都要搶分，踢來未必太過謹慎，不妨向大波膽埋手，博有主場之利嘅打比郡贏埋，開主隊勝3:2波膽。
法甲主隊摩納哥嚟到季尾至有番啲起色，上周作客前列球隊圖盧茲，仍然能夠打和1:1搶到分，迄今已經4場不敗；不過佢哋今周迎戰對手南特，近況亦唔差，呢支目前仍然要為護級努力嘅球隊，最近4場俱有分落袋，近兩場更連勝索察及南錫，相信今日去到摩納哥地頭，亦可乘勢繼續搶分，保住來季個甲組位，1:1波膽應無走雞。
文：華度