廖碧兒和吳嘉龍等前晚往中環出席內衣騷，問吳嘉龍會否考慮行內衣騷時，他竟謂：「我細佬好貴，要好多錢先請得佢郁。」至於廖碧兒就戴上pushupbra力抗地心吸力，但刻意迴避同場的「新一代整容女星」甄穎珊。
廖碧兒、陳沛嘉、吳嘉龍及人工美女甄穎珊等前晚往中環出席黛安芬內衣騷，相比起現場示範內衣的外籍模特兒，穿上晚裝的廖碧兒及陳沛嘉明顯十分錫身，影大合照時廖碧兒刻意迴避甄穎珊，做完訪問後更即時披上圍巾。
左擁右抱
吳嘉龍左擁陳沛嘉，右抱廖碧兒，艷福不淺。他早前曾大讚AnaR.，現在對方回復單身，問到會否展開追求時，吳嘉龍再讚AnaR.漂亮性感，並說：「會唔會追都唔會答你哋，呢啲係我私人生活，不過我知Brian（周立璟）好嬲我，佢已經唔睬我啦。」再問他如有可觀酬勞會否考慮行內衣騷?他說：「我細佬好貴，要好多錢先請得佢郁。」
挺胸靠托
至於公認好身材的廖碧兒坦承前晚有戴pushupbra，她說：「人越大就越要反地心吸力，等胸部嘅肉唔好下垂，pushupbra好幫得手。」問她可有想過隆胸？她說：「No啦，呢啲係天生嘅，我好多謝媽咪同耶穌獻畀我咁好嘅身材，不過我細個嗰陣一啲睇頭都冇，14歲得4呎8吋高，身材平平無奇，係後來跳芭蕾舞傷咗要休息3個月，先至開始發育。」問她擁有好身材是否一項優點？她說：「呢個係bonus。」
採訪：梁錦雯 攝影：陳順禎
