想近近哋同女朋友過二人世界，嫌離島近又覺搭飛機去外地貴？澳門係個好選擇。好多朋友都以為去澳門只有食和賭，但其實近期澳門嘅新酒店越開越多，可以滿足你豪食、豪住、豪買、豪歎嘅要求，包保女友唔會話悶之餘，仲讚你節目安排多多有心思。
記者：陸俊雄、黃若茵
攝影：陳陶鈞、伍慶泉
Model：Ren、Cherry@puremodels
甜到漏行程
10:00am第一站
新葡京粥麵莊睇拉茶
一朝早坐船到達後，當然係搵嘢食醫肚啦，去新葡京入面嘅粥麵莊係好選擇，事關粥麵莊內有9位山西師傅喺食客面前大顯身手，如手拉一根麵、用刀削麵、女師傅大玩剪刀麵等。此外，仲有茶博士曾小龍表演拉茶，佢係四川省茶藝比賽冠軍，大家看後必拍爛手掌。
一根麵及刀削麵每碗澳門幣50元（配一個餸） 60元（配兩個餸）
地址：葡京路新葡京酒店
11:00am 第二站
永利名店盡情購物
澳門永利同拉斯維加斯嘅酒店一樣，都有一條長購物走廊，兩旁滿是名店如LV、Bvlgari、Dior、Rolex等，讓遊客可以買到唔捨得走。除此以外，最受歡迎嘅就係永利自家品牌精品店，除有衫和啤啤熊外，仲有質料好嘅浴袍和枕頭袋，一直係店內嘅hotitems。
1:00pm第三站
星際品味坊食自助餐
經過一輪瘋狂購物後，覺得肚餓嘅可到有梁朝偉做宣傳嘅星際酒店，酒店共有多間不同地方美食，愛食自助餐嘅不妨去品味坊，那兒有大大個開放式廚房，廚房前主要放中式美食，就連荷葉飯都有。此外，佢哋嘅甜品亦出名精緻，一啖一件，啱晒女士們個櫻桃小嘴！
自助午餐成人每位︰
港幣$108（平日）
$118（星期六、日）
其他酒店資料
如果右面數間最新的酒店都唔合心意，仲有以下幾間！各酒店均推出不同優惠或新設施吸引客人，想知嚟緊去澳門住邊度抵，記得睇清楚實用資料，過到濠江就無蝕底喇！
金龍酒店周末三折住豪房
位於馬六甲地段的金龍酒店非常方便，面對漁人碼頭，鄰近亦有酒吧區、金莎娛樂場、金蓮花廣場等，周圍去飲飲食食都好容易。快到復活節，酒店內的柏斯餐廳更搜羅世界各地節令美食，為自助晚餐注入復活節元素，住房客人惠顧自助餐更可獲九折優惠。自助餐日期：4月6日至4月8日
價錢：成人澳門幣168元小童108元
查詢（853）28361999 地址：馬六甲街
英皇娛樂酒店 復活節送船飛
復活節期間，只要港幣$1,580便可入住豪華客房一晚，再送來回香港至澳門噴射飛船經濟客位船票（優惠期4月4日至4月8日）。另外，又有復活節早午合併自助餐（價錢待定）及復活蛋創作比賽等。
查詢：（853）28889988
地址：商業大馬路288號
君怡酒店 九折做Spa
君怡酒店位於氹仔市中心，農曆年期間剛將頂層全層重新裝修，變成尊貴行政客房（每晚港幣$1,980）。另外，酒店設有LavenderHealthClub，共兩小時全身香薰按摩水療療程只需港幣$488，入住房間的客人可額外獲九折優惠，呢個假期一定好relax。
查詢：（853）28837788
地址：氹仔柯維納總督馬路142號
威尼斯人度假村酒店 年中開幕
年中開幕的威尼斯人度假村酒店佔地1,050萬平方呎，屆時100萬平方呎仿威尼斯運河區有51艘貢多拉船接載遊客，更有22,000立方米之戶外人工礁湖。房間分皇室、貝麗及維雅3種套房，每晚為港幣$2,488至$4,988，現已接受網上訂房！
查詢：（853）28828888
地址：路氹金光大道
網址： http://www.venetianmacau.com
威斯汀酒店 打Golf最Relax
由即日起至4月尾，一人打golf再住一晚要港幣$1,990，二人同行$2,880（優惠不適用於星期六及公眾假期）。水療中心亦有spapackage，包括一晚住宿、二人自助早餐及兩個水療療程，星期日至五價錢為港幣$2,100，星期六$2,500。
查詢：（853）28871111
地址：路環黑沙馬路1918號
利澳酒店 食Buffet送椰汁燕窩
3月內客人每晚可以港幣$50換購價值$100的玩樂券，及免費獲$20幸運金幣兌換券（以房間計算，標準雙人套房港幣$1,680）。美食坊於3月亦推出「南洋海鮮美食節」自助餐，4位或以上住客惠顧可享九折優惠和椰汁燉燕窩一客。
自助餐價錢：
成人港幣$138-$158
小童$98
查詢：（853）28718718
地址：新口岸高美士街33號
澳門假日酒店 水療中心做六折
酒店9樓已改建為水療中心，提供足部按摩、香薰按摩及特效面部護理等療程，最多人幫襯的footmassage只收港幣$280（60分鐘），入住房間（標準雙人套房港幣$700）的客人於中午12時至晚上8時惠顧療程，可獲六折優惠。
查詢：（853）28781707
地址：新口岸北京街82-86號
竹灣酒店 標準房收半價
3月期間逢星期一至四入住房間有半價優惠，原價澳門幣880元的標準房只收440元，星期五至日入住，則享有七折優惠（即澳門幣616元）。最吸引是每個房間內均有Jacuzzi，對住大海做按摩，爽呀！
查詢：（853）28882143
地址：路環竹灣海灘旁