給梁55分
香港辯論學會主席李正權：「以100分滿分，我給梁55分、曾45分。梁家傑勝在能夠令市民有切身感受，肢體語言也較曾蔭權能夠表達出情緒，差在問台下是否相信有人搞港獨；曾蔭權則面對政府益地產商問題時顯得混亂，也未有好好利用他的工作經驗去增加說服力。」
曾語調好
香港公共關係學會主席賴嘉年：「曾蔭權講嘢語調好，唔沉悶，用嘅字眼幾好，譬如反擊梁家傑「講佛偈」就一語中的。梁家傑策略係挖苦對手瘡疤，但有時又有少少自大咁，似話自己係資深大律師就失咗分，整體都係曾蔭權好啲。」
講嘢卸膊
梁志超(59歲--退休人士)：「曾蔭權講嘢卸膊、講兩句又唔講答問題，我好唔滿意。梁家傑就夠放夠膽夠承擔。曾蔭權得50分，梁家傑有90分。」
對梁改觀
關家豪(18歲--中學生)：「今次梁家傑表現幾好，對佢改觀咗；但由於曾蔭權陪住我成長，所以對佢印象一向好啲。如果10分滿足，兩個都畀8分」
各有各好
張嘉賢(保險業)：「兩個表現都各有好，但係曾蔭權表現務實啲、實際啲，梁家傑就理想化過頭。我會畀曾生80分、梁生70分。」
我要普選
梁秀珊(「小區議員」)：「我喜歡梁家傑當特首多啲，因為佢……為我哋爭取雙普選，態度堅決；相反，曾蔭權就受到中央嘅束縛，取態模糊。」
