第一宗：食士多啤梨似AV女
知月：其實我都覺佢食strawberry嗰度，好似AV。
milo：我有啲friend話裕美似AV女郎，尤其佢笑，鏡頭closeup嗰時，扮可愛超難頂。
裕美解畫：係咁睇住食好悶，攞士多啤梨嚟玩吓，有啲似貓形，有啲似嘴形，導演話不如食完畀人睇吓士多啤梨入面係點。啲人批評梗有好有唔好，聽吓就算。
第二宗：同公仔對話超難頂
kaka：當人白癡咁…成日狗狗呀、狗狗…如果係佢自己度嘅，就真係要睇心理醫生喇。
Tammy：袋住隻公仔出街不特止，仲要同佢講嘢，救命…監製點解可以畀啲咁嘅鏡頭出街。
裕美解畫：個旅遊特輯得我一個，只係介紹會好煩厭，有隻狗仔喺隔籬交流，當對人，亦係導演要求，同狸貓講嘢都係導演要求，襯我喎，大家都好搞笑。
第三宗：頻喪笑彈跳大聲叫
豬頭公主：去到狸貓嗰度，一路大叫一路跑埋去，拎上手問隻公仔：「點解你有咁大個肚腩嘅？」、「點解你咁得意嘅？」佢唔係真係想隻公仔應佢吖嘛？
千千萬萬個我：睇睇吓開始覺得佢儍笑得有啲濫，同埋把聲怪怪哋。
裕美解畫：我一個人笑，導演鍾意我offbreak跳，無喇喇跳幾吓，自己喺條街度似癲婆。笑難唔到我，都係希望睇嘅人開心啲。
吹水廣場網址： http://www.beautyexchange.com.hk/
revamp/forums/list.php?4
