隨處棄置魚絲和魚鈎，一直威脅野生雀鳥生命，最近一班熱愛攝影的網民到南生圍獵影時，發現一隻外表虛弱的白鷺呆在河塘邊，疑因誤吞帶有魚鈎及魚絲的小魚受傷，最後他們涉水營救，把魚絲剪斷，可憐白鷺才能重新振翅高飛。
疑有人釣白鷺食
網民VickyCheng日前在數碼天地論壇講述今次《南生圍的見義勇為事件》，「一日聯同網友在南生圍邊巡邊影，突然發現遠處有一隻白鷺似是被困在水邊，再行近睇真啲，原來佢吞食咗一條有魚絲勾住嘅魚，搞到勾住喉嚨飛唔走，好在有個網友見義勇為，冒住跌落水的危險去解救嗰隻可憐的白鷺，最後終於飛得起了！」
近日傳聞有人刻意用魚鈎「釣」白鷺食用，今次事件相信是意外。網民葉主表示：「佢（白鷺）真係慘，唔知企咗幾耐。」
見義勇為獲讚揚
VickyCheng和網友見義勇為拯救白鷺獲得不少網民讚揚，不過亦有網民質疑剪斷魚絲並非最佳辦法。anaconda說：「條魚被消化後，個鈎便勾在它的腸內，你們便害死隻白鷺了，還是害個半生不死呢？一時衝動便會好心做壞事，下次call漁護署啦！」
VickyCheng解釋：「以當時情況及技術，我哋冇能力拉番條魚出來，惟有cut斷條魚絲，等佢吞埋落肚。我都知未必可以救得番，但都希望佢吉『鳥』天相啦！起碼佢唔使就咁等死呀！」