前意大利國家隊教練納比周二帶領歐洲明星隊打完對曼聯後，忍唔住話今年夏天好可能要釣魚過日辰，但係又話暫時未有滿意合約，更加唔想去語言唔通嘅國家執教。呢位外號「銀狐」嘅教頭果然狡猾，擺明係呻意大利大球會唔夠誠意請自己出山啫！球季好快完，AC米蘭、祖雲達斯都可能換教練，納比出到聲相信好快就有反應喇！