曼聯近期發生甚麼事？車路士之前行緊衰運，似乎好似傳染病一樣，曼聯受到感染。前鋒欠射門鞋，主力受傷，面對保頓，似乎只可以小勝對手！
曼聯的確係一隊偉大嘅球隊，可惜近幾場，右面只靠基斯坦奴朗拿度（C朗），左面靠呢位由小弟小學時已睇佢踢波嘅「傑斯叔」，中間有當年歐聯冠軍嘅史高斯！呢個進攻組合有啲單調，睇咗太耐，無乜變化！前面雖有年青力壯嘅朗尼，不過佢水準不穩！
曼聯嘅前鋒已經好耐無穩定嘅入球率，費Sir知道的！如果唔係，就唔會搵軒歷拿臣返嚟，𠵱家拿臣走咗；據消息，阿倫史密夫好有機會正選上陣，鋒力成疑！加上曼聯太多傷兵，最擔心當然係雲達沙受傷，如果再係古斯錫，你驚唔驚……仲有里奧費廸南又話整親，施維斯達又要提早歇暑！總之，大家記得睇過出場名單先好落注！相比起保頓，我會對佢有信心，不過，保頓近況又有下滑迹象，六四波，曼聯贏1球啦！
周鵬
商業1台《球迷集中贏》主持
電郵：[email protected]