中國女足低處未算低，前晚阿爾加夫盃以1:4不敵弱旅冰島，僅獲得賽事嘅第10名。賽後足協副主席楊一民批評教練換人失當，而教練王海鳴接受訪問就話會提出辭職，仲語帶相關話惟有鬼佬教練先可以救女足，因為鬼佬可以按自己諗法教波。不過，講開又講，中國男足用鬼佬教波好耐，點解仲係咁屎呢？真係「天曉得」喇！