剛承受喪父之痛的張學友，昨日在商台宣傳，心情平復了的他說：「爸爸有7、8年唔行得，呢大半年都喺醫院出入，只係唔慣我上飛機後佢就走咗。」學友新春時在美國的第一場表演遇上阻滯，他希望向當晚觀眾道歉，他說：「個騷第一晚出現好多問題，好彩觀眾都睇得開心。」
「呢啲冇得幫」
問到學友與其哥哥張學智的關係，他說：「佢間中都有返嚟，都有見面，但冇特別講乜，一來少見，而且又唔知佢狀況點。」至於會否原諒哥哥，他說：「我冇資格話原唔原諒，每個人都有自己選擇，自己要負責任。」
對於現時哥哥的債務，學友指不能幫忙：「件事（喪禮）之後佢就走，呢啲冇得幫，幫咗就會發放錯嘅訊息畀借錢嘅人同佢本人，之前同過爸爸媽媽商量，係唔會幫佢還。」對於沈殿霞被傳身體不適，學友說：「我同佢聯絡過，精神幾好，大家唔好咁多揣測。佢都休息半年，如果出嚟做番嘢，大家咪知佢冇事囉！」
採訪、攝影：王連連