英國保誠保險噚日搞咗個退休計劃記者會，宣布推出「你的理想退休金額？」活動，佢哋嘅行政總裁韋凱文（KevinWright）話，香港人明白退休策劃嘅重要性，但傳統上，港人嘅退休儲蓄計劃欠缺系統性，雜亂無章，如果先設定清晰嘅退休儲蓄目標，就可以專注退休儲蓄。
佢哋嘅專題小組仲發現，參與研究嘅人士，低估咗退休需要。
咁台下記者就問韋凱文，究竟佢嘅理想退休金額係幾多？點知佢唔肯透露，只係話，做多幾年就達到目標嘞。
英國保誠保險首席業務總監梁偉堅就好主動咁話，佢嘅退休目標金額要成3000萬，因此，佢仍要多加努力工作先至得。
[email protected]