鞏俐（圖）擔任政協委員，早排提出「保護環境，由我做起」嘅提案被批評似小學生作文。據內地新浪娛樂報道，內地女演員周穎喺blog度呼籲話要取消鞏俐嘅政協委員資格，因為佢身為藝人，提案竟然同職業無關，仲批評佢嘅提案冇經過大腦思考。鞏俐嘅經理人就話鞏俐作為政協委員係咪合格，唔係一個人講咗就算，佢仲話唔排除係有人自我炒作。