教練維護愛將人之常情，好似NBA湖人球星拜恩，呢排就被聯盟紀律小組「盯死」，話如果佢再「用踭」打茅波就會重罰，搞到拜恩好似變咗茅躉咁，激到「禪師」積遜教練即刻發炮，話拜恩遭聯盟政治迫害！我求大俠就覺得籃球有咁多身體接觸，有時球員動作大，傷到人都唔奇，最重要係有心定無意，以拜恩今日嘅名望，使唔使咁先？