自從超人知己周小姐隻TOM仔話，要將個親生仔「在線」私有後，坊間不斷揣測，呢個究竟係乜嘢部署。事關根據建議，冇買周小姐嗰份。
「在線」自己解釋，私有其中一個原因，係因為睇到eBay個合作，對公司冇乜好處……唔知「在線」少當家王雷雷係咪見呢啲問題難答度達10級（即係好似一個女人問男朋友，自己同人家阿媽跌落海會救邊個），所以「在線」噚日即突然出稿，將今日業績發布會、投資者電話發布會，同埋投資者電話會議全部取消。
真係可惜，大家仲諗住臨別秋波，同呢個型男CEO整番張合照，睇怕以後要見雷雷，大家都非北上不可了！
講番TOM仔，到呢一分鐘為止，下個禮拜二嘅業績記者會冇話取消，到時，應該係由麥太湯美娟一力承擔，幫雷雷頂晒啲難題，難度評級，應該較噚日標普畀佢哋嘅長期信貸評級BB＋更高！
另外，TOM仔噚日又確認，城邦喺寶島增資落Pixnet網站，詳情下周同業績一併公布，但Pixnet個站長，已喺網站發咗封信畀網友，講解呢個合作，講明係因為要錢養大個網站，所以，要搵主好人家埋街食井水……坦白！
[email protected]