每逢香港球迷有緣睇到都贏到笑呵呵嘅意乙祖雲達斯，「直播效應」嚟到周二失效！祖記主場鬥泰列維素，機會查實唔少，但係都要打到72分鐘，藉對方守將攙扶保積洛夫之際，廸比亞路把握機會快開罰球，由小將柏拿甸奴一射中鵠小勝1:0，將榜首優勢擴大到3分，可憐追祖記直播大炒嘅捧場客就慘、慘、慘！