滙豐前任大班沈弼，相信唔少老一輩香港人都記得佢，呢位列居浦偉士前任的獅子行賓架，華華細細個，已經從父執輩聽過，佢哋一講起滙豐，就提到沈弼。
沈弼大班亦慧眼識英雄，七十年代中，已經注意到冒起嘅李嘉誠，會成為明日新貴，遂展開獅子行與誠哥嘅長期商務合作關係。
可能係靜極思動，退休多年嘅沈弼爵士，最近加盟印度基建房產公司RoyalIndianRajInternationalCorp，擔任顧問理事會主席。
該公司業務範圍廣泛，寬頻通訊、電子商務、娛樂及主題公園，唔少「瓣數」都有掂。
家吓印度市場被列為滙控明日增長引擎的新興市場之一，睇嚟沈弼嘅眼光，同𠵱家獅子行嘅焦點，都不謀而合。
[email protected]