自從港交所建議上市公司要區分主席及行政總裁職權，加強企業管治，近一兩年，各上市公司陸續引入新制度，成效點，其實好難評估，不過，主席同行政總裁意見分歧就實有，但搞到要「劈炮」真係好少見。
搞物流既保昌控股前日公布，由於行政總裁HenrikAugustvonSydow，喺落實集團策略方面有不同意見，董事局已經同vonSydow達成協議，同意佢由本周二起離任，並交還行政總裁職務，轉為出任公司顧問。
公司創辦人兼主席劉少榮，則出任署理行政總裁，直至物色到新人選為止。
睇番資料，vonSydow舊年6月至加盟，佢喺國際貨運代理及物流業有逾25年經驗，加盟之前係國際物流公司集團總裁，照咁睇，同創辦人有唔同見解，絕對唔出奇。華華覺得，搞到要劈炮，確係好少見，但公司肯講畀你聽，都算有透明度，點都好過出咗事之後先同你講!
[email protected]