美國熱爆劇集《UglyBetty》明晚於無綫明珠台播放，並改名為《俏Betty》，昨日無綫安排扮醜女李笑好成名的湯盈盈以俏Betty造型，在銅鑼灣出席宣傳活動。湯盈盈穿上黃色長裙，襯紅色短褸及眼鏡，加上一棚鑲上假鑽石的牙箍，的確令人大倒胃口。
湯盈盈聯同高鈞賢及陳志健擔任評判，從無綫安排的四位俏Betty參賽者中選出得獎者。盈盈表示該棚搶鏡的牙箍是朋友於加拿大上網訂購送給她，她說：「我知道今日要扮俏Betty，覺得好啱用，所以戴呢副牙箍出嚟。」
享受單身樂
剛失戀的湯盈盈揚言是她主動跟高鈞賢及陳志健兩位靚仔合照，問她是否打算將目標轉往靚仔方向，她說：「𠵱家幾enjoy單身生活，暫時冇諗過要搵男朋友，呢啲嘢順其自然。」
此外，高鈞賢被周刊影到他到訪沈穎婷的住所，兩人關係非比尋常，高鈞賢昨日說：「我啱啱買咗隻柴犬，佢肚屙同腸胃炎，我帶佢睇醫生，咁啱沈穎婷住喺隔籬，我哋班朋友成日上佢屋企玩。」他透露喜歡長髮女子，如果拍拖必定公開。
採訪、攝影：卓美娟
