好多明星做緊訪問，都唔准人影相，怕俾人影到啲古怪表情，或者有爛牙咪好失禮。名模圈都有一位女將係咁，就係嫁咗人嘅「減胃」，佢份人出名貪靚貪到過火。試過幾次同記者做訪問，興高采烈講到一半，忽然無端端合埋口唔講嘢，啲記者以為佢講錯嘢，一頭霧水先發現原來係有人影相，「減胃」為免有張大口相，或者講嘢相見報，寧願即時收口，或者揞住個口話：「等等先！」等攝影師行開先再講，真係誇張。仲有「減胃」影親時裝專輯，向來只肯擺一、兩個佢認為顯得佢最瘦、最型嘅叉腰甫士，所以唔少攝影師見到佢都頭痕。
撰文：阿蘇
本欄逢周一至六刊出