早幾年，日本同韓國已經興起SMS文化潮流，無論行緊街抑或搭緊地鐵，全程都十足隱蔽青年Feel，埋頭苦幹打短訊，街上發生咗咩事一於少理，好誇張！呢股風氣近期仲吹襲香港，先有3HK推出手機MSN，再有電訊商推出一個月費任玩GPRS，令手機通訊軟件不斷大眾化，其中以《IM+》最強，佢可以同時和世界6大聊天軟件聯絡，真正以一打六，將來講電話經，第一句可能係：「你裝咗《IM+》未呀？冇？我點同你傾偈呀。」
記者：陳國輝
攝影：何家亮
ImageGirl：Geneviee
4大即裝即玩聊天Software
除咗Send短訊，查實SMS仲有好多種玩法，𠵱家最流行嘅就有以下幾款。
1.最強
《InstantMessenger》（GPRS）
IM+簡直強到你唔信，佢綜合晒MSN、Yahoo!以及ICQ等6大聊天工具，想幾時用邊一隻，由你話事！
http://www.getjar.com
2.玩公仔
《Yahoo！Messenger》（GPRS）
正話介紹嗰款行Java，而呢隻軟件就比較搞鬼，除咗Send一般文字，你仲可以Send得意公仔畀對方，追女冧死！
http://mobile.yahoo.com/messenger
3.最直接
《FreeBlog》（免費）
來自本地網絡商One2Free提供嘅免費Blog工具，好處係唔使單撈程式，你只要直達網頁即可輸入文字，仲可藉此識唔同朋友。
http://www.one2free.com
4.專攻Symbian
《TurboMSN》（GPRS）
屬外掛程式嘅一種，專攻運行於Nokia、Samsung以及Panasonic等採用Symbian系統嘅Smartphone，仲可以用佢嚟SendEmail㖭！
www.mobileinttech.com/
Sales推薦：諾記最啱手痕友
咪以為是但買部手機返嚟實啱用，其實每一款手機型號，包括中文輸入法、搵字系統、操作方式、輸入速度，全部可以好唔同。基本上，寫SMS大致分為Keypad輸入、手寫輸入及QWERTY三種，如採用Keypad輸入，仲分為筆畫（T9）、拼音及注音3種，有先達Sales建議，喺買機前首先要清楚自己適合用邊一種，一般嚟講T9最多人揀，因為最容易拆碼，亦可以打得最快；至於拼音及注音，大部份畀國內及台灣用家選擇。
打廣東字快靚正
評語：用Nokia玩SMS，最強之處係廣東字排列得比較前，要搵嗰陣會特別快，無疑減低輸入時間。
手寫辨識力最強
評語：MOTO明嘅手寫辨識力特別厲害，就算撩到鬼畫符咁，部機都好易認得出，平時手字肉酸啲都唔緊要。
全鍵盤Fit手形
評語：如果你英文水平咁鬼勁，要搵部配置QWERTY嘅機種，X01HT（838PRO）幾啱你，事關塊Keyboard可以伸縮，夠慳位。
快打王：練到唔使望2分鐘70字
究竟香港人有幾重視SMS潮流文化？嗱，其實06年諾記就搞過兩次「SMS快打王比賽」，參加人數出乎意料之多，而且大部份仲以學生哥為主，都咪話唔多Fans支持喎！呢次，小記仲訪問到連續兩屆奪得冠軍嘅高手阿Hill，呢位「快打王」話：「其實我唔係你哋諗得咁變態㗎，我只不過間唔中先打SMS，可能係工多藝熟令我打得咁快囉！」
現場比試
快打王HillVs阿Gen
規則：以最快打完紅筆圈住段字為勝利，約70字！
Hill以2分27秒成績
打完兼勝出。
Model阿Gen打得
10隻字，輸到喊！
十大SMS金句
記者問咗30位年輕人，佢哋話以下係時興10大SMS金句喎：
「欠我筆數點先？」
「食飯未呀？不如一齊啦？」
「喂！今晚Happyhour，你請！:Pheehee」
「一齊去隊啤啦！去番上次果間，條女幾靚！:p」
「祝你今年發過豬頭，新年快樂！」
「今晚我仲要開會喎，不如你食飯先。」
「請問你今晚得唔得閒，我買多咗張戲飛……」
「老時間，老地方，不見不散。」
「你冇用？就算係條底褲都有佢嘅作用。」
「我只係一條媾唔到女嘅可憐蟲。」
短訊文字有紀念價值
醞釀呢股SMS文化潮流，絕對離唔開大時大節日子。小記甚少發訊息畀朋友，但每逢過年、聖誕等大節日，就好興Send句祝福語向對方問候，仲一次過Forward晒畀幾十人，都算係懶到出汁！但其實好多手痕友不知幾肯花心思，佢哋特別鍾意砌啲過癮對白、押韻嘅三言兩語、甚至寫詩作詞都試過，爆唔爆先？你話咁做好老土？好浪費時間？又唔係吖，事關你打開手機收件箱嗰陣，肯定Keep起好多死黨Send畀你嘅SMS，曾經仲有同事問我，點先可以將手機入面嘅SMS全部掟晒落新機裏面，佢話得閒就會拎出嚟睇，有紀念價值喎，問你怕未！
唔識打字用手機Sample
大時大節收爆SMS，一啲都唔奇，但我見過有啲比自己更懶嘅人，夠膽死用番手機裏面嘅範例（Sample），原文照Dup過嚟，唔使講，睇完即刻Delete，理由係Memory好有限！講到底SMS亦可以好私隱，識得有朋友追緊女仔，日Call夜Call怕煩住佢，寧願早午晚分三餐Send個SMS𠱁佢開心，內容講乜當然唔重要，最緊要佢想將女仔Reply返嚟嘅短訊全部Keep起，仲問有冇分唇可以將SMS上鎖，查實Blackberry、PDAPhone或某部份國產機都有提供，無論SMS、Email抑或相片，全部需要密碼先打得開。寫句SMS原來都有私隱保障，難怪後生仔女要玩埋一份！
最繁忙短訊日子：
