皇家馬德里真係黑到冇人有，好似上場聯賽3度領先都畀巴塞隆拿追平，又有碧咸、雷恩斯等大班傷兵，𠵱家連最「弗」嘅阿根廷中場加高都傷埋，真係慘嘞！原來加高對巴塞場波畀杜林踩傷右腳足踝，原本好少事，點知返到馬德里機場同熱情球迷合照嗰陣，唔小心畀球迷踩多腳，搞到傷上加傷，呢次真係多得球迷唔少嘞！