▲信和同嘉華開頭合作投A地盤時,由嘉華董事總經理呂耀華負責舉牌,去到19.9億元,嘉華嫌貴唔玩。黃志祥惟有一面繼續舉,一面拉攏南豐合作,最後唔單止傾掂數,仲預埋嘉華一齊買第二幅地。結果第二幅地由南豐負責舉,唔知呂耀華冇牌舉係咪有啲百無聊賴,坐坐吓佢竟然「不甘寂寞」,摷份報紙出嚟睇,仲肆無忌憚咁攤大份報紙,再摺番細佢慢慢歎,印印腳等南豐同信和善後。