剛剛喺旅遊節目《雪映移城》見完半個日本人裕美之後，覺得佢好鍾意食嘢，喺日本東北去到邊食到邊，所以決定搵佢去擦餐勁，原來佢未去過有好多好嘢食嘅澳門，咁就啱晒，一於夥拍埋半個澳門人Michael同朋友Hidy，一齊由早到晚搵好嘢食，仲要食埋下午茶同消夜㖭！
記者：梁學文
攝影：楊錦文、譚盈傑
Model：Hidy
Wardrobeon裕美：BreadnButter
1 年輕廚師地道葡國菜
位於漁人碼頭的葡國餐廳賈梅士，擺明做遊客生意，心諗入去俾人劏到一頸血啦！不過試過後從此改觀。先講講餐廳環境，室內室外全部是葡式建築，下晝來食個Lunch，由露台望出去時，四周圍都是歐陸式建築物，坐得舒服又好有悠閒感覺。
說回這裏的菜式，近百款的葡國菜式中，有大路的選擇，亦有主打地道的葡萄牙菜，因為這裏有幾位年輕大廚，他們反而堅持使用傳統的做法，保持葡國菜原本的味道，唔會為迎合澳門人而調整煮法或口味，所以比一般的葡國餐廳多了一份地道感覺。
前菜拼盤$99（4人份）
拼盤共有7款小食，有香炸青豆條、馬介休球、蝦多士、豬耳沙律及牛肉碌結等。最吸引的是牛肉碌結，一來脆卜卜夠香口；二來味道夠濃。
火燄葡式西洋臘腸$48
西洋臘腸放在豬仔爐上面燒，保持熱辣辣之餘，仲可以將臘腸燒香。師傅話食的時候最好燒大約4分鐘，然後熄火，臘腸的味道最好。
海鮮燴飯$229（2人份）
師傅用上洋葱、蒜茸、番茄等做醬汁，然後加入海鮮煮飯，由生米煮成熟飯。加了番茄，令飯味更清香，而且更開胃。
賈梅士（8532878818）
地址：漁人碼頭葡萄牙館3號1樓
營業時間12nn-11pm
2 咖啡店食牛角包享悠閒
在文化中心對面的LaComedieChezVous，樓上是法國餐廳，樓下是Cafe，坐店內感覺仿似去了歐洲，一來吃的是法國菜；二來店內9成都是外國人。此外，所有麵包（除方包外）都是自家焗製，保證新鮮。值得一讚的是這裏由開業到現在都是免收加一。
三文魚沙律牛角包$28
用自家焗製的牛角包配以三文魚，最味美的是在三文魚上面的醬汁，由師傅自家調製，用菜油、醋及香草等材料炮製而成。
RaspberryCheeseCake$16
蛋糕每日限量供應，賣完就冇，想食就要早點Order。RaspberryCheeseCake味道清香，入口又夠滑溜。
LaComedieChezVous（853-28752021）
地址：新口岸冼星海馬路珠光大廈地下G舖
營業時間：11am-2am
3 夾起梳梳大鮑翅
聽到九記的師傅是來自中國石景山莊，又曾經服侍過江澤民同朱鎔基等多位國家領導人，就知道非去不可。九記的大廚梁綿輝曾在石景山莊當了10年廚師，每次江澤民和朱鎔基到訪，他們Order的菜式都是由他主理，他對煮食有自己一套：「其實我唔鍾意死記硬背，將以前嘅食譜照抄照用，所以我經常都會試新菜，改變一下煮法，變成新菜式。」雖然有不同的新菜，不過九記的傳統菜式依然大受歡迎。
講起受歡迎的菜式，不得不提大鮑翅。去陶陶居食翅就人人都識，不過食過這裏的大鮑翅後，以後肯定有多個選擇，大廚輝哥話：「我哋揀嘅大鮑翅，每塊煮完都保持一梳梳，食起上嚟夠滑夠豪。我最注重個湯底，因為湯底唔夠味，啲翅更加唔會有味。」如果想食，最好一早預訂，因為夜晚7點飯市一到，一直坐滿人，好多時要到10點先有位。
螺頭濃湯大鮑翅$1,688
湯底用火腿、雞、瘦肉等，用猛火煲足5個鐘，所以湯底變成奶白色。湯底入口清甜，鮑翅亦照單全收，味道一流。大鮑翅條條足2吋長，上枱時一梳梳，成梳放入口，又爽又滑又夠豪。
煎焗排骨仔$55
梁師傅專揀豬肋排做排骨仔，貪肋排有骨有肉，煮時易入味。排骨仔之所以夠入味，秘訣是浸過蒜水，只要一炒，蒜味就慢慢滲出。排骨仔細細嚿好易入口，一啖一粒，送酒最適合。
生煎包$40/打
跟一般的不同，入口唔會有湯汁咇出來，不過包身就好鬆軟，而且外皮煎到脆卜卜，加上改用瘦肉做，效果同樣出色之餘，又健康啲。
九記（853-28750239）
地址：畢仕達大馬路54號D鴻安中心第3座地下1舖
營業時間：5pm-3:30am
4 飲噴火林寶堅尼 好High呀！
食完晚飯再去飲番杯就最Relax，ClubRuka's是不錯選擇。樓下是舞池連酒吧，有DJ打碟，亦可以跳舞。樓上是K房，飲到悶悶哋可以到樓上一展歌喉。不過提提大家，由星期一至日夜晚12點過後插針都插唔入，尤其是K房，要唱K就要早點留房喇！
林寶堅尼$48
林寶堅尼最主要是有火，叫的時候點完火就即刻飲，面頭仲暖暖哋，入口就有些少甜。
TestTubeShooters$118/Set
有多款Cocktail可以做Shooters，小心飲到醉醺醺唔識返屋企呀！
ClubRuka's（853-28751799）
地址：新口岸飛南第街85號獲多利大廈地下X舖
