歌手李蕙敏（Amanda）將於下月底推出新曲加精選大碟，早前她化名A.Lee派新歌《女人不笨》上台，除了積極排舞外，更親自執導拍MV，找來鄒凱光義助任監製。
谷胸示人
見Amanda以一身性感造型拍攝MV，大跳勁舞之餘，還谷胸示人，以鐵鏈綁着男主角行來行去，大玩SMfeel。Amanda說：「首歌內容係講女權，要話畀大家知女人唔係蠢㗎，好多時只係唔想同男人拗，同男主角嗰幕就係要表現出女權主導嗰樣嘢。」問Amanda今次復出是否打算行性感，她說：「都唔可以咁講，呢次係用內衣外穿嘅概念啫。」見她身材雖骨瘦如柴，但上圍似乎仍有睇頭，她說：「係啲衫做出嚟嘅效果啫，我邊有咁勁。」
採訪：丁寧