「民主從來唔會唾手可得，係要靠人民努力爭取嘅，3月18日見！」高登討論區網友「教父Stephen」昨日呼籲網友組團參加「還我選票：3.18全民爭取雙普選大遊行」，短短數小時間，已獲多名網友報名參加。
普選增學生公民意識
Stephen坦言：「我係會考生，但我寧可溫少一啲書，補少一日習，都要參加有意義嘅活動，為香港未來出一分力！」網友的反應出奇地熱烈：「不推（薦）不是人！」「支持！」「幫你推，想想哋去，可惜要返工。」「我嗰日一定會去，但係我習慣一個人去呢啲活動，所以未必會join你哋啦。加油呀，各位巴打（兄弟）！」
「可以嘅話，我會同同學去。」聽見JS_Mill這個回應，版主Stephen羨慕地說：「你就好啦，我啲同學唔單止唔會去，仲會笑鬼我，可悲！」網絡旗冰則勸慰他說：「不要傷心，希望有普選會增強香港學生嘅公民意識，努力啊！」一樹說：「我仲未確定去唔去到，不過應該會自己去，到時睇吓有冇緣好似上次咁撞到。」Stephen回答：「好，見到你hi你，你見到我hi我喇！」高登網友為爭普選一呼百應，誰說年輕人政治冷感！
新聞資訊研究組