今季重掌南華帥印嘅羅傑承(圖),對球隊聯賽盃4強出局雖然失望,但球員該仗打出士氣和拼勁,羅生整體都算收貨;更重要係,羅生睇到球員唔單只為獎金比賽,佢澄清中場休息時冇加碼30萬,但球員仍然搏盡老命。話時話,南華下場比賽要去到下個禮拜六喺旺角場聯賽對晨曦,佢哋𠵱家爭緊聯賽冠軍,希望到時多啲人捧場啦!