黃皮膚的亞洲人，面色偏黃，最想肌膚白裏透紅！春夏快將來臨，一系列美白產品早已空群推出。跟一眾皮膚科醫生、著名化妝師教路，先打好美白靚底；再睇睇一眾明星模特兒，如何嚴防黑色素蒲頭。做足準備工夫，就可以在今個夏天，放肆地同陽光玩遊戲！
記者：盧家蕙、郭佩韻
攝影：伍慶泉、譚盈傑
Model：Alice@Starzpeople
Makeup&Hair：VivienFromMaevon
皮膚醫生說……
維他命C、E最Work
皮膚科醫生陳衍里：「美白要有效，最重要做好防曬，減低紫外光對皮膚的損害，另外可以用一些含有抗氧化物如維他命C、E、綠茶等成份的護膚品，亦可以用含果酸成份的護膚品，可助去斑及溶解角質層。」
有斑勤用美白Cream
皮膚科醫生馮偉傑：「美白係各位貪靚女士的美容法，有黃種人皮膚想完全漂白是沒有可能的。但如果係臉上有斑，可以勤用美白Cream，醫學上有研究證據指出，菊酸及水果酸最有效退斑。」
防曬要15度或以上
皮膚科醫生黎湛輝：「皮膚黑色素多可以抗紫外光，但如果有雀斑及色斑，可試用彩光或激光。美白不可少的是防曬。建議亞洲人用15度或以上防曬，不過最緊要睇個厚度，太薄無效，每次出汗出油都要補一補，出街帶埋雨傘或帽更能防紫外光。」
專用粉底補防曬
皮膚科醫生何麗容說：「夏天要美白，係因為太陽紫外光太強，皮膚未能抵禦就會出斑。𠵱家可以用彩光改善，不過就算改善了，都一樣要做好防曬工夫。最好選用標明防UVA及UVB防曬，亦可選用防曬粉底代替補防曬之用。」
專業化妝師說……
果酸產品美白掂
化妝師Felix：「亞洲人皮膚係黃底，對個彩妝顏色好有影響，可以選用含有果酸的美容產品，如Lancome、Chanel及Dior新出一條Line都係類似產品，最好每個星期隔兩日做一次美白面膜，效果會更加好。」
一星期兩日做磨砂
化妝師Gary：「皮膚膚色均勻的女仔，彩妝塗於臉上會好出色，美白的重要在於令皮膚唔好過青或過黃。我建議用天然美白成份產品來美白，特別係用有機磨砂，可以有效去除膚色暗啞，夏天一個星期做兩次磨砂最有效果。」
防曬當打底霜
化妝師AnnieG：「皮膚膚色不夠白，除了用美白產品，可在化妝前用打底霜調膚色，最好用30度以上防曬。特別推介Sofina50度防曬，用作打底不會油膩，另外亦推介BiothermMessageCream，美白同時可以補水，兩樣我用過非常好！」
勤用美白面膜
化妝師RickChin：「膚色白 化個妝都會靚好多，所以夏天美白係不可缺少的。最好做多啲美白面膜，保持一個星期用2-3次，效果非常顯著。」
Dior美白效果勁
化妝師KennethWong：「黃底皮膚化咩妝都不好看，塗上彩妝於臉上，顏色總會變灰。建議妝前可用紫色打底霜，修飾黃色皮膚。至於美白產品，我自己試過用Dior新出美白Line，個美白效果幾日就見到，真係好正！」
美白新粉底
OL熱捧（$200-$300）：
CLINIQUE肌本透白保濕液$260
全新dermawhite系列，特別為亞洲人黃皮膚調配，利用光影及亮膚成份令皮膚隱藏色斑及瑕疵，令皮膚變得更完美、均勻及透亮，是今個夏天大熱搶手粉底液之一。
IPSA透白水潤兩用粉餅$290、粉底液$290
全新美白粉底推出不足兩星期即告斷市，吸引之處在於超防水效能及無重感，既可防曬又可做到水潤功效，亁性皮膚都啱用！
ANNASUIProtectiveFluidFoundation$320、PowderFoundation$225
包裝一向吸引的ANNASUI新推出粉餅及粉底液，粉底液有防UV功能，粉餅有美白用途，兩者一齊使用可令膚色漸變均勻，招牌玫瑰圖案以白襯黑十分型格。
專業推介（$300-$400）：
YSL美白亮采粉餅$360
粉底質地幼滑均勻，持久力高，具強化美白效果，兼帶有清新香氣，如甘蔗味、白色丁香及印尼茉莉竹等混合，聞一聞令人心曠神怡，化個妝都會靚人一大截。
KOSECosmeDecorteTheWhite-ScienceBrighteningFoundation（2waytype）$365、EssenceFoundation$350
粉餅及粉底液都含有鶯神樂萃取液、維他命C誘導體及甘草萃取物等美容成份，美白得來可以滋潤皮膚。只要輕輕塗上，可即時遮掩毛孔及瑕疵，同時可以防止紫外線產生的色斑及雀斑等問題，用來補防曬一流！
Chanel超美白防晒粉餅$380
想妝容完美無瑕，粉底遮瑕度要高，遮得來又不厚更難做到。Chanel美白粉餅含維他命C衍生物，抵抗黑色素形成，又有二氧化鈦及合成防曬成份，提升皮膚保護層無懼黑色素。
BOBBIBROWN亮膚防曬粉餅$400
為亞洲黃皮膚女士特設，用黃色基調的理念調製，具SPF20PA++防曬功能。含迷迭香精華及維他命C及E，可對抗游離基，同時有美白功效。特別之處是控油及防汗配方非常一流，夏天用就不怕掛副「油臉」出街。
貴價選擇（$400-$500）：
COVERMARK柔滑美肌粉底$425
新粉底糅合獨特的護膚配方，上粉後感覺滋潤，潤膚液包含在粉底霜微細粒子上，散發美白功效，清爽且貼面度高。
MENARD持久防曬美白粉底$540
SPF50PA+++高度防曬，利用納米UV防曬粒子，緊貼每寸肌膚。更含WaterFixGel，防水、吸油及防汗。其中的WhiteningPowderS成份，可遮掩色素，令膚色更均勻。
CLINIQUE27306168
IPSA28314896
ANNASUI35807091
YSL21047488
Chanel22658632
KOSE25063000
BOBBIBROWN22658928
COVERMARK36079600
MENARD34263866
