喺荷甲遙遙領先嘅燕豪芬，前晚聯賽作客居然同倒數第3嘅精英隊互交白卷，1.18倍熱W開唔到，真係激死好多捧場客！最慘係巴西中堅阿歷士洛里高拉傷腿筋，今季可能都唔可以再上陣，少咗呢位歐聯淘汰阿仙奴嘅功臣，下圈對手利物浦實開心到瞓唔着；而有一半阿歷士擁有權嘅車路士，亦唔使擔心對方會掉轉槍頭啦！