「自問毒男一個又唔靚仔，缺點多過優點」的網友為食小龍，由於一時做錯兼性格難纏，令他一直暗戀的女同學最後唔睬佢，連朋友都做不成，半年來小龍「MSN佢又block，sende-mail又冇回覆」，現在他只希望做回朋友就心滿意足，並求教於網友。
「整容幫到你」，「錢、錢、錢同錢」「呢位巴打（兄弟），你咁形容自己，已經判咗自己死刑啦！」阿力則建議「有冇其他friend識佢？有嘅話，friend搭friend約佢出嚟玩。」
「難道真誠的心不能搭夠？」小龍問，網友卻說：「要用錢去表達你真誠的心。」「無論愛得有幾深，買粒鑽石至君真。」「送上你那充滿溫暖的信用卡（未碌爆）。」
網友愛似玻璃簡直靠害，「佢一憎你就好難返轉頭，不如你等多十年八載先再搵佢啦！」
小龍最後失望地說：「佢唔係嗰啲貪錢嘅港女…仲諗住貪呢度多人，但都冇啲認真嘅意見，問錯地方。」