這邊廂，皇馬主力四散弄得香港球迷士氣低落；那邊廂，西班牙全城市民繼續熱哄哄慶祝LasFallas（火節）大日子。想感受那邊火辣辣氣氛絕對不需要親身飛過去，皆因西班牙人最愛的歡樂時光小食已經熱辣登陸香港啦！最值得一讚的是平凡肉丸，當加入西藏紅花這香料後，即變得不平凡，個個都爭住食！
記者：肥田
攝影：譚盈傑
Model：Yanny
我很簡單但很私密
你平日放工後喜歡做甚麼？西班牙人最喜歡放工後相約三五知己，一手捧着冰凍啤酒；另一手拿着香口小食，紓解一整天的工作煩憂。但要在鬧市中找一片真正靜土Relax一下確實不容易，尤其在人多車多的灣仔銅鑼灣一帶，更難得找到如Cubix般獨有的隱密空間。「銅鑼灣、灣仔一帶的樓上Cafe愈來愈多，但都沒有Cubix的寧靜。雖然這裏只有廿多個座位，裝潢非常簡約，但勝在位置方便得來又夠私密，從大街走來不消幾分鐘，但一進來就忘記外邊就是繁忙的灣仔，他們可以真正放下工作心情，暫時遠離擠擁的街道。這是其他Cafe沒有的隔離感。」餐廳經理余先生還說很多客人都會包場搞私人聚會，就是喜歡Cubix夠簡單清靜。
小食細細件幾飽肚
Cubix的大廚曾在多間大餐廳任職，最擅長煮歐洲菜，還喜歡在傳統菜式加入自己的創意，做出不同類型的Fusion菜。繼之前玩過法國菜及意大利菜後，今次決定一試西班牙菜，原因是看中它夠簡單！大廚話：「很多西班牙菜只要加入橄欖油、胡椒、鹽和大蒜做調味，稍為烤一下煮一下就很美味，煮法都很簡單。正因為簡單，可以更自由發揮創意。」
大家睇睇肉丸、大蝦、白鯷魚這些幾乎是必試的西班牙菜，經大廚動一動腦筋，簡單的菜式都變得不平凡。他還將小食做成Finger-Food的Size，即是兩隻手指拈起就食得，細細件用來配Cocktail最適合不過。哎呀！不經不覺原來細細件都幾飽肚，DinnerMenu都不用看啦﹗
西藏紅花係乜？
西藏紅花又叫番紅花或西紅花，屬貴價而產量少的香料，主要在西班牙、伊朗、沙特阿拉伯等地區出現，被稱為西藏紅花是因為以往西班牙產品多由西藏入境。此香料是世界最貴的香料之一，大約要15,000朵花才能收集到100克的雌蕊柱頭，所以產量少，非常矜貴，只有約20克的小瓶份量就要$500至$600。原來除可加在食品及飲料中，用以提升味道外，亦有人用來做藥，因它具有活血去瘀功效。
西藏紅花杏仁醬肉丸$78
這款手製肉丸要特別介紹，皆因它是大廚參照傳統西班牙菜改良出來的自家製菜式。肉丸用了半牛半豬打成，取豬肉的彈性和牛肉的香味，增加了味道的層次。大廚想到用杏仁和白酒打成獨一無二的醬汁，再加入矜貴及味道獨特的香料西藏紅花，更能提升醬汁中的酒香，清新的醉香令肉丸不但不油膩，反而更想多吃兩顆！
番茄蒜茸西班牙風亁火腿烘法式長麵包$78
煙熏味較重的西班牙風亁火腿，爽嫩而不太鹹，配上新鮮番茄和烘得金黃香脆的法包，口感豐富又清新。
西班牙香腸$78
雖然Chorizo在西班牙四處都能食到，只需加橄欖油烤至微微飄香已夠美味，但大廚嫌未夠，加入AppleCider甜酒將香腸炒至金黃，令色香味全面提升。
香蒜大蝦$118
這款小食的重點不是蝦，而是蒜片，經大廚翻爆再翻爆起碼4次才能出場。怪不得蒜片的香味濃郁又持久，甚有港式避風塘之味，用來佐酒更是一片不留。
新鮮青檸伴炸白鯷魚$78
白鯷魚即是銀柳魚，外表與白飯魚有幾分相似。別看它細細條，肉質跟大魚一樣有咬口，加上以薄薄的脆漿一炸，入口即溶，好似日式天婦羅一樣咁滋味。
細細件好精緻
Yanny：火腿香口、麵包又脆，好味道。
Terry：西班牙香腸鹹鹹哋，送酒一流！
Janet：白鯷魚夠鮮味，細細條好易入口。
Cubix（36072011）
地址：灣仔菲林明道41號芬名酒店大堂
營業時間：7am-11pm