最近張學友嘅爸爸過咗身，作為契爺嘅胡楓，噚日喺樂富出席活動，都話睇報紙先知道呢件事，佢話：「可能佢唔想麻煩人啦﹗我同佢媽媽講，我都唔係普通朋友，有乜可以講，𠵱家失禮晒唔好意思，遲啲我會打番畀學友同佢講。前兩個月話探佢爸爸，佢話同家人溝通過話唔好。」對於外間唔少關於學友哥哥嘅傳聞，胡楓話：「佢從來冇喺我面前提過佢哥哥。」