伯明翰領隊布魯士，今次差啲畀前鋒賓特拿嚇到心臟病發，原因係呢位阿仙奴年輕借將，上周喺泳池水療期間，突然走上5米高台，打幾個觔斗先落水，幾有「跳水王子」feel呀！不過就嚇到布魯士面都青埋喇，心諗如果佢有咩三長兩短，都唔知點同雲格交待。求大俠聽講呢位靚仔球星細個幾乎代表丹麥泳隊，真係多才多藝喇！