林一峰噚日笑到四萬咁口去商台做宣傳，事關佢同趙學而合演嘅音樂劇《一期一會》，下月20至22日五場門券火速售罄，老闆好滿意成績，計劃稍後再公演。一峰透露今次製作音樂劇成本係有史以來最貴嘅一次，花咗幾十萬去做，原因係尊重前輩陳百強，雖然門券反應熱烈，但係佢仲未計數，未知翻本未。