我絕對是反iPod的人，回看公司的女同事，10個有10個人也不用iPod，因為iPod根本不方便，新iTUNES對系統要求極高，一般公司機根本難去Install，所以我部iPod就成為一件辦公室上的垃圾。
我們OL在公司的第二任務，是在電腦上聽歌，男同事個個買iPod，我都買埋一份，但係用用吓都係反璞歸真，買了個老老土土的藍芽MP3Player，原因好簡單，iPod太煩，有時想在公司問同事借CD聽，將歌曲下載入iPod，但係iPod要過歌，一定要經iTUNES，咁啱大部份公司的PC不是XP，Win2000又Lock咗唔裝得，最後要攞CD返屋企。另外，個iTUNERun得又慢，普通一隻WMA，iTUNE要Convert兩分鐘，再Load入iPod，檔案Size又大了一倍，真正囉苦嚟辛！用返MP3Player，直入PC已經係個Drive，File鍾意點飛就點飛，一隻WMA先1MB，256M可以放二百幾首歌，要2GB嚟做乜，加上Player本身是藍芽Handsfree，有來電顯示，唔需要學iPod加多嚿嘢，聽住歌接電話唔會手忙腳亂，至於音質，當然是iPod優勝，但我喺行街搭車時聽歌，背景都咁嘈點會有分別。
文：林愛雯
Bytheway
iPod是潮流，一個2GB的iPod，可以入數百首歌，用得着嗎？用不着。只是去街買個安心，突然失戀，我有失戀歌，突然想起阿媽，又有Beyond真的愛你，突然要扮有型，又有Birkin的JeT'aimeMoiNonPlus的呻吟歌；用6GB的iPod，如果只入20首歌，又會給朋友笑，因為以上的原因，人們將所有CD的歌也存入iPod，我也有iPod，也有同感，iPod改變年輕一代的思考：寧要靚，不要方便，濫入歌，一味要多，很變態的品味。
文：伍旋卓