「如果你一路用開domdom（避孕套），突然聽到條女話要食避孕藥，你會點？」網友cinnamoroll為女友近期的「不尋常」舉措而感到苦惱，近日在高登討論區說出自己的問題，得到網友不同的意見，「佢想出去偷食」「動搖下佢嘛，食咗會肥㗎喎！」
YOSHI規勸版主說：「你女友為你好咋，用domdom最多80%至85%成功率。你唔中只係你好彩，用避孕藥或避孕貼就有九成以上效用，安全好多，而且唔係個個都會肥同水腫嘅，啲藥已經改良咗啦。佢同你講得，即係同你商量，你諗多咗喇！」
「偉大，佢知道你唔會負責任。」既有網友稱讚版主的女友，也有網友埋怨說：「避孕藥或者事後丸成$100先得兩粒，好鬼貴。」
水墨畫隨即回應表示：「比起做爸爸，$100你有賺㖭啦！」此外，有網友也指出「避孕藥唔係只係用嚟避孕咁簡單㗎，你女友係唔係經期唔定時呀？」