【本報訊】麗城花園恒生銀行劫殺案的兇徒，以1分18秒極速，成功掠去50萬元後，竟然不是飛奔逃走，而是輕輕鬆鬆、「un吓un吓」，走入熙來攘往的商場，才消失無蹤。
利嘉閣地產經理羅逸愚（47歲），案發時在麗城花園三期廣場的分店任職客戶經理，昨出庭講述他看見劫匪及追蹤劫匪的經過。
「大約12點，我聽到一下好輕微嘅響聲，好似紙包飲品俾車轆過。」羅逸愚說，當時他不以為意，未幾便發現很多人走入商場，神色慌張，查問下得悉恒生銀行遇劫。
恒生銀行接連商場之間有一面玻璃，羅逸愚透過玻璃，看見身穿紅衫及戴頭套的劫匪，搜掠櫃枱抽屜，將財物放入袋中，職員則踎在枱底。
「我望咗幾秒，睇到佢轉身，左手揸住類似手槍物體，我感覺有眼神接觸，所以退後，返舖頭門口。」
證人：我要做好呢份工
稍後，有同事說賊人跳了出來，羅逸愚走了兩步，想追之際，看見賊人推門入商場。
「佢好輕鬆，un吓un吓，好似緩步跑，但係仲戴住頭套，攞住支槍同個袋，估計佢有5呎8至10吋高。」羅估計賊人朝麗城花園第六及第七座平台的方向走去，走出海安路逃走，但因感到危險，他不敢尾隨，故繞道跑上第五座平台，因為第五座平台可看見第六及第七座平台，亦可看見海安路，但當他跑上第五座平台後，已不見賊人蹤影。
特首曾蔭權「我會做好呢份工」的競選宣傳口號，全城熱爆，羅逸愚作供時，也不知有心抑或無意，被問及是否熟悉麗城花園廣場的環境時，也要答：「我熟悉，如果我要做好呢份工」，令嚴肅的法庭，頓時傳出一陣笑聲，輕鬆不少。
最後死因裁判官陳碧橋說：「廣場內有洗手間，嗰賊走入男廁，扔低頭套除衫，都冇人認得佢喇？」羅認同。