所謂虎父無犬女，羅馬班主辛斯個女羅辛娜，不嬲鍾意擺個女強人款，對於羅馬買人及球員表現都意見多多。羅馬將會喺歐聯8強惡鬥曼聯，佢又發表「偉論」，公開話計魅力同實力，曼聯嘅基斯坦奴朗拿度（C朗），拍馬都追唔上羅馬「王子」托廸。C朗係今期球壇大紅人，冧盡女性，唔知羅辛娜真係覺得C朗唔掂，定係出口術呢？