趙學而和林一峰看似風馬牛不相及，原來兩人除了同屬白羊座之外，其實老友鬼鬼。當林一峰有意以陳百強（Danny）的金曲作背景搞音樂劇時，即力邀全無經驗的學而參演一角，實行有騷齊齊玩。
趙學而、林一峰、谷祖琳及at17的盧凱彤等將會於下月20日至22日在香港演藝學院歌劇院合作演出音樂劇《一期一會》，內容是以「失去」為主題，全劇更會以陳百強的金曲貫穿。一峰坦言這是30歲前送給母親的禮物，因為其母親是陳百強的超級fans，所以他特別以此送給母親。《一》劇上周一開賣後，五場門票已迅速售罄。
舞台經驗零蛋
同屬白羊座的一峰和學而自去年認識後，惺惺相惜成為好友，所以當一峰有意搞一個音樂劇時，他即邀請學而扮演其中一個女強人角色，因為他眼中的學而是十分硬朗。日前兩人接受訪問時傾到雞啄唔斷，學而更笑言一峰的舞台經驗豐富，自己卻只是一張白紙，所以她要稱呼他為師兄。
學而今次在音樂劇中扮演的女強人角色和現實中的她十分相似，劇中更會受到男朋友的崇拜，她笑說：「現實中都係㗎，我同男朋友拍拖已經四年，大家感情都好穩定，不過暫時就未有結婚打算，因為佢想搵多啲，我又想賺多啲私己錢。人大咗唔再需要好轟烈嘅嘢，實際同穩定仲緊要，𠵱家個人開心過以前好多。」
甘為愛情受傷
問到學而以前是否喜愛轟烈的愛情，她就尷尬說：「過咗嘞，每次都會有轟烈，我其實都幾任性，好似拍拖會直接影響事業，我都受過呢個挫折，但係我冇後悔，因為係自己選擇，如果怕後悔就唔會做啦。」
採訪：駱華齡 攝影：陳順禎
髮型：[email protected]（林一峰）
場地提供：MarcoPoloHongKongHotel
