發生的士劫案現場西環摩星嶺徑，環境偏僻幽靜。的士同業聯會主席梁紹昌說：「過去呢度不時發生的士劫案，可以話係黑點，因為好靜，啲賊唔只容易落手，散水（逃走）都易啲，警方應加強巡邏。」
梁紹昌說，有行家將拆胎軨匙收藏座椅底，遇劫時可以自衞，但梁認為司機最重要保護自身安全，故不建議反抗：「兩個賊以上更加唔應該反抗，啲賊會為錢亂性。」
自組暗語互相照應
市區的士聯委會主席郭志標說：「的士電台啲暗語已經好『揚』，有時啲賊都明，對司機好危險。」所以很多相熟行家自組暗語互相照應，他們從暗語中可知道出事司機所在位置。
郭志標提醒同行，從乘客舉動可判斷是否遇賊：「啲賊眼神會好鬼祟，坐車唔會出聲，唔想畀你睇到佢個樣，例如全程擰歪面望街，或者攣埋條腰坐到好底。十幾年前我都係靠呢幾招，踢爆想打劫我班賊呀！」