孫燕姿前日喺台灣補拍MV，佢爸爸都有陪住佢，孫燕姿當日顯得好疲累，不過仲同記者講，之前喺埃及遇土匪勒索發生嘅事已經到尾聲，令佢如釋重負。對有傳MV導演黃中平俾槍指嚇，孫燕姿澄清話：「從頭到尾也沒有，只是氣氛讓人覺得緊張。」另外，孫燕姿所屬嘅台灣唱片公司EMI董事總經理陳澤杉接受訪問時話好想簽張惠妹，不過身價至少四千萬港幣。