詹瑞文噚日喺尖沙嘴出席舞台劇《男人之虎》記者會，舞台劇會用曾蔭權同梁家傑嘅答問大會做主題，噚日佢仲好抵死咁以范徐麗泰嘅造型出現，而且企喺由佢扮嘅曾蔭權同梁家傑紙板公仔中間。講到曾蔭權同梁家傑嘅表現，佢話：「其實佢哋表現係點，最後邊個做特首，大家都心中有數。」然後又話：「如果一個政治人物可以承擔評論，係會更出色。」