祖雲達斯前日作客以1:3輸畀布雷西亞，客軍嘅施拉芬尼離門35碼笠入、倒掛、凌空抽射乜都出齊，連中三元搶晒鏡。不過，我求大俠最想講係布軍教練哥斯美，呢位前任佩魯賈出位教頭，當年成日領軍砌低強隊，估唔到「祖記」落到乙組，佢一樣唔放過。「祖記」輸波，聽日主場對泰列維素場公仔箱直播波，客隊注定要做出氣袋囉。