香港女性近年飽受批評，被指崇尚名牌、唯利是圖，而且性格刁蠻，連帶「港女」一詞也由中性變成帶有貶意。有逾二十年婚姻介紹經驗的劉美如也承認近年港女擇偶相當挑剔，要求越來越高，接近不切實際。「你揀人，人揀你，你自己有冇咁好條件先？」她建議港女應盡量降低要求。
追求高大靚仔人品好
自從香港近年掀起北上娶妻熱潮後，劉美如的知己顧問有限公司就有越來越多女性登記尋找伴侶，年齡主要介乎25歲至35歲，大都是白領專業人士，如教師、護士、會計師和律師等。她形容近年女性的學歷和收入不斷增加，對男性要求當然相對提高，部份人更是要求男性「做足100分」。
「初時又話人品最重要，講講吓又話要月入五萬以上，講講吓又話最好高大靚仔，又話要識得照顧我。」劉美如形容部份女性要求男士近乎完美，已經不切實際，因此她經常建議客人「一開始你可以揀個100分嘅，但唔成功嘅話就請降低要求去到90分，餘此類推，直至搵到為止。」