讀書時老師不在班房，同學仔即時作反，玩個不亦樂乎。成年後踏入社會工作，老闆不在公司，同事一樣會將辦公室變成遊樂場。近日有網民在網上分享在辦公室作反經驗。
「老細唔喺公司會唔會作反，有咩可以搞？」網民水長流日前提議網友分享「冇王管」經驗。「我會上網看報紙，呆坐，得閒去廁所瞓覺。」網民陸雲翔的答案非常有代表性，幾乎所有返office工的人也試過的「蛇王」招數；不過，亦有網民靜極思動，會利用老闆不在公司的一天「搞大佢」。
「如果預早一日知道老細聽日唔返，我會買定啲零食或者整嘢返公司同同事一齊食。」網民紫心番薯自言貪吃又愛說話，但一山還有一山高，網民hapi話公司冷氣夠凍，「我哋試過喺公司打邊爐。」至於Katy的同事還會將辦公室化身「賭場」：「我之前間公司，試過老細唔喺度，啲男仔喺度玩魚蝦蟹、打麻雀，女仔就睇雜誌、織冷衫。」